Sco quai che Baloise communitgescha è la sminuziun dal gudogn da declerar cun ils 54,8 milliuns francs per rinforzar las reservas da la fatschenta d'assicuranzas «betg vita» en la Germania.
Il volumen da fatschenta è restà stabil sin 5,62 milliardas francs. Quai saja cunzunt d’engraziar a la creschientscha da fatschenta en la Belgia ed en il Luxemburg.
Cuntent malgrà damain gudogn
En la sparta «betg vita» è il gudogn EBIT sa sminuì da 262 sin 208,4 milliuns francs. Il gudogn (EBIT) en la sparta «vita» è sa reducì da 70 sin 45,5 milliuns francs. Il resultat da la fatschenta bancara (EBIT) è creschì sin 53,5 milliuns francs.
Malgrà ch’il gudogn è ì enavos sa mussa il nov schef da la Baloise Gert de Winter cuntent cun la prestaziun: «La stabilitad finanziala e la fatschenta operativa èn sa meglieradas».
RR novitads 08:00