Siglir tar il cuntegn

Svizra Baiver fin il coma senza consequenzas finanzialas

Tgi che consumescha memia bler alcohol e sto sinaquai ir en l'ospital u en la cella da durmir ora la sturnadad, lez na sto era en il futur betg pajar sez quai. Il Cussegl naziunal a refusà d'adattar la lescha correspundenta relativamain stretg cun 97 cunter 85 vuschs ed 11 abstenziuns.

Magiels da shots.
Legenda: Dastga il stadi pretender atgna responsabladad dals burgais areguard il consum d'alcohol? SRF

La droga dal pievel numer 1 fatschenta omaduas chombras parlamentaras durant quests dis. En consequenza da las discussiuns ha il Cussegl naziunal decis la gievgia a bun’ura da sepulir la nova lescha d’alcohol. Il punct central da las discussiuns: persunas che baivan fin il coma.

Principi da solidaritad vala er per baiver fin il coma

Uschia han ils parlamentaris era decis, numnadamain cun 97 cunter 85 vuschs (tar 11 abstenziuns): sche giuvenils che baivan fin il coma stuessan surpigliar sez ils custs per las consequenzas da lur extasa, lura vegniss il principi da solidaritad da las cassas da malsauns violà. L’argumentaziun per sfundrar la lescha: cun chastiar bavaders vegnia er avert ina porta per chastiar persunas che fiman u ch’èn corpulentas. E quai n’è fin uss betg il cas.

RR novitads 17:00