Siglir tar il cuntegn

Svizra Bainvegni 2016

Cun colurs, sbrinzlas, culps da murters e tuchiez han ils carstgauns en Svizra beneventà l'onn nov. En pliras citads svizras èn vegnids organisads fieus artifizials che pliras dieschmilli persunas han guardà.

Legende: Video Traguttì da la nivla: Il fieu artifizial a Turitg abspielen. Laufzeit 0:38 Minuten.
Dals 01.01.2016.

Ruinagieu è stada l'aura che ha per part impedì la vista sin ils fieus artifizials. A Berna n'hai dà nagin fieu uffizial da Silvester ed era a Son Gagl è la midada da l'onn stada ruassaivla. En intginas regiuns n'han ins betg pudì laschar ir rachettas pervi da la sitgira. En il Tessin e parts dal Grischun datti in grond privel d'incendis da guaud.

Legende: Video Silvester al Times Square a New York abspielen. Laufzeit 0:44 Minuten.
Dals 01.01.2016.

«Balldrop» a New York

Sin l’entir mund han ils carstgauns festivà l’onn nov. Milliuns da carstgauns èn ids a las festas da Silvester. Uschia per exempel a New York nua che l’onn nov è vegnì inaugurà cun il uschenumnà «Balldrop» al Times Square.

Ina minuta avant mesanotg (06:00 temp svizzer) è sa mess en moviment ina balla da cristal sin ina stanga da bun 20 meters ed ha lura splendurà punctualmain al cumenzament da l’onn nov. Tenor ils organisaturs han bun ina milliuns observà quest spectacul a Downtown New York. Suenter ch’igl è vegnì chantà «New York, New York» è la festa dentant era stada a fin. Fieu artifizial n’hai dà nagin sco era nagin alcohol. In quart passà las dudesch èsi stà finì.

Tar 28 grads è vegnì festivà l’onn nov a Rio de Janeiro.
Legenda: Tar 28 grads è vegnì festivà l’onn nov a Rio de Janeiro. Keystone

Gronda festa a Rio

Ina da las pli grondas festas da Silvester hai dà a Rio de Janeiro. Radund 2 milliuns carstgauns han festivà là il nov onn, l’onn dals gieus olimpics en Brasilia. Tar 28 grads han DJs e bands procurà per buna luna a la Copacabana. 34’000 rachetas han illuminà per bun 16 minutas il tschiel sur il golf da la Copacabana.

RR novitads 11:00