Siglir tar il cuntegn

Svizra Bainprest controllas sin material explosiv als eroports

Tgi che sgola a partir dal 1. da settember d'in eroport svizzer, po vegnir intercurì sin material explosiv.

Controlla da la bagascha sin in eroport.
Legenda: Davent dal 1. da settember poi dar controllas supplementaras pervi da material explosiv sin ils eroports. Keystone

A partir da questa data pretenda l'Uniun europeica da far controllas da prova dals passagiers e da la bagascha da maun sin tut ils eroports da l'UE e da la Svizra.

A l'eroport da Turitg vegnan questas controllas fatgas cun prender emprovas dals mauns e da la regiun da la taglia dal corp. Questas emprovas vegnan lura intercuridas cun agid d’in apparat da detecziun entaifer paucas secundas.

Sco l'eroport da Turitg scriva, na sajan questas controllas betg problematicas per la sanadad. I na vegnia betg fatg diever da radioactivitad.

RR Novitads 11:00