Siglir tar il cuntegn
Inhalt

Svizra Axpo perda bunamain 1 milliarda francs

Las grondas amortisaziuns dal concern d'energia Axpo han chaschunà cifras cotschen stgiras. L’ultim onn da fatschenta ha l’Axpo fatg sut il stritg ina perdita da prest ina milliarda francs.

Il logo da l'Axpo.
Legenda: La fiera d'electricitad fa fastidi a l'Axpo. Keystone

Sco raschuns principalas menziunescha l'Axpo rectificaziuns da valurs tar las ovras electricas e tar ils contracts da retrair electricitad. Cumpareglià cun l'onn passà è era la svieuta sa reducida da 6,7 milliardas sin 5,9 milliardas francs.

Plinavant han era ils bass pretschs da commerzi a l’engronda per electricitad sco era il bass curs da l'euro contribuì al deficit.

La perdita da 990 milliuns francs n'è dentant betg ina surpaisa. L’Axpo aveva gia annunzià pli baud ch'ins haja fatg grondas amortisaziuns e che quai vegnia a resultar ina gronda perdita. La fin settember muntava la sperdita anc a 730 milliuns francs. L'onn passà aveva la fatschenta fatg in minus da 838 milliuns francs.

RR novitads 08:00