Axpo: Ovra Limmern vala ina mesa milliarda pli pauc

Pervi dals pretschs bass per l'electricitad sto il concern d'energia rectifitgar valurs a moda massiva.

Logo Axpo.

Legenda da maletgs: Il concern d'energia patescha vinavant dals pretschs bass. Keystone

Il concern svizzer sto era l'onn da fatschenta 2015/16 rectifitgar valurs. Tranter auter stoppia l'Axpo rectifitgar per 540 milliuns francs la valur da la nova ovra d'accumulaziun a pumpa da Limmern en il chantun Glaruna. Quai scriva il concern en ina communicaziun.

Las rectificaziuns vegnian probablamain ad influenzar il resultat da gestiun (EBIT) da l'Axpo per 1,4 milliardas francs ed uschia procurar per ina perdita massiva. Gia l'onn avant aveva l'Axpo fatg ina perdita da 990 milliuns francs.

Ultra da quai quinta l'Axpo che la fasa dals pretschs bass per l'electricitad cuntinueschia pli ditg che spetgà.

RR novitads 08:00