Sco l’Axpo scriva saja il gudogn sa reducì per bunamain in tschintgavel sin 350 milliuns francs. L’onn passà aveva l’interpresa nudà in gudogn da 623 milliuns francs. Las raschuns sajan ils pretschs bass sin il martgà d'energia e la bloccada d'in bloc da l'ovra atomara Beznau. Era la situaziun cun regulaziuns sin il martgà d’energia saja fitg difficila, la vendita da current electric a moda convenziunala na saja betg profitabla.
Axpo il pli grond producent d’energia regenerabla en Svizra
Dapi decennis è l’Axpo il pli grond producent d’energia regenerabla en Svizra. Il Settember 2015 ha l’interpresa inaugurà in nov parc da vent en Germania che ha gia produci fin questa primavaira ina milliarda uras kilowatt, scriva l’interpresa. Era ha l’Axpo investì ils ultims onns en il segment da termoelectrica a biogas. Uschia ha l’interpresa survegni la lubientscha da construir a Domat in implant da sientar zinslas. Uschia duai l’efficacitad da l’interpresa existenta vegnir megliurada.
RR novitads 08:00