Siglir tar il cuntegn
Inhalt

Svizra AVS: Proxims pass per refurma

Dunnas duain ir cun 65 in pensiun. Cun quai valia la medema vegliadetgna da pensiun per umens e dunnas. Era la taglia sin plivalur duai vegnir auzada, per segirar a media vista las rentas da l'AVS, per maximalmain 1,7%.

Il minister da sanadad vul manar tras la refurma da l'AVS fin l'onn 2021.
Legenda: Alain Berset: Il minister da sanadad vul manar tras la refurma da l'AVS fin l'onn 2021. Keystone

Cun auzar la vegliadetgna da pensiun da las dunnas sin 65 duai la chassa da l'AVS vegnir emplenida. I duai dar ina cumpensaziun pervi che la vegliadetgna da pensiun da las dunnas vegn auzada, dentond sco che quella dua vesair ora na e anc betg cler. Persuenter duai esser pussaivel per umens e dunnas dad ir flexibel en pensiun tranter 62 e 70 onns.

La taglia sin plivalur duai vegnir auzada per maximalmain 1,7% . Uschè vegnissan da bun a la cassa da pensiun 6 milliardas francs, di il minister da sanadad Alain Berset. Sche tut va tenor plan – quinta il Cussegl federal che las midadas tar l'AVS giajan en vigur l'onn 2021.

Las mesiras ch'il Cussegl federal ha decidì sajan necessarias perquai che la refurma da la prevenziun da vegliadetgna 2020 ha fatg naufragi il settember da l'onn passà a l’urna.

La gronda differenza da la refurma da rentas 2020 e la refurma da l’AVS che Alain Berset ha preschentà oz è che l’emprima e la segunda pitga vegnan sanadas independentas ina da l’autra.

Emprimas reacziuns

Per la PS na possia quai betg esser che la refurma da las rentas vegnia fatg sin la goba da las dunnas. Sche la vegliadetgna da pensiun vegn auzada stoppia quai dar ina cumpensaziun en urden. Per la PCD, la PLD e la PPS è il auzament da la taglia sin plivalur da 1,7% bler massa aut.

RR novitads 18:00