La Confederaziun è sceptica, vul dentant examinar meglieraziuns pussaivlas. Crititgà vegn surtut ch'ils pensums da la surveglianza e da l'execuziun na sajan betg separads cleramain. Quai haja in’influenza sin l'independenza. La controlla federala aveva examinà la situaziun pervi dad irregularitads tar la Cassa da cumpensaziun centrala a Genevra.
Departaments èn sceptics
Il departament da finanzas ed il departament da l’intern sa mussan sceptics. Els renconuschan che las structuras da l’AVS stuessan vegnir examinadas. In pèr dals puncts che la CFF recumonda sajan dentant pauc adattads scrivan ils departaments. Els veglian dentant examinar, sch’i dettia largias tar la surveglianza e sche necessari agir. L’Uffizi federal d’assicuranzas socialas aveva l’onn passà instradà in project per modernisar la surveglianza.
RR novitads 12:00