Siglir tar il cuntegn

Svizra AVS – dapli extradas che entradas

L'assicuranza per vegls e survivents AVS ha dà ora il 2017 dapli daners che quai ch'ella ha incassà. Quai gia per la quarta giada en seria.

Dunna sesa cun rollatur tar staziun da tram da Turitg.
Legenda: Il 2017 han circa 2,5 milliuns persunas retschavì ina renta da vegliadetgna u da survivents. Keystone

L'onn passà saja vegnì pajà ora rentas da l'AVS da 43,3 milliardas francs. Las entradas muntian a 42,3 milliardas francs, scriva l'Uffizi federal per las assicuranzas socialas. Quai fa ina differenza dad in milliun francs. L'onn passà han radund 2,5 milliuns persunas en Svizra ed en l'exteriur survegnì ina renta dad AVS.

Gudogn tar assicuranza d'invaliditad

Tar l'assicuranza d'invaliditad IV però è sa resultà in gudogn dad 800 milliuns francs. L'IV ha gì entradas da 10 milliardas francs ed expensas da 9,2 milliardas francs. Plinavant ha l'IV sustegnì l'onn passà radund 432'000 persunas.

RR novitads 12:00