Siglir tar il cuntegn

Header

cuntegn

AVS Cussegl dals chantuns vul gulivar vegliadetgna a dapli dunnas

Il Cussegl dals chantuns vul sustegnair dapli dunnas ch'èn pertutgadas il pli ferm da la refurma da l'AVS e ston lura lavurar fin 65 onns ch'il Cussegl naziunal. El vul er impunder dapli daners per quellas annadas transitoricas.

audio
Sessiun Berna: Or da la debatta per stabilisar l'AVS
02:18 min, Actualitad dals 14.09.2021.
laschar ir. Durada: 02:18 minutas.

Il Cussegl dals chantuns vul sustegnair nov annadas da dunnas. La decisiun è crudada cun 27 cunter 15 vuschs. Dals custs ennà giaschia questa proposta datiers da quella dal Cussegl federal. Per dunnas che stoppian adattar lur planisaziun da vita pervi da la revisiun da l'AVS, saja giustifitgà ch'ellas survegnian ina cumpensaziun.

Gist las dunnas da questas nov annadas transitoricas cun pajas bassas, savens da lavur parziala, stoppian purtar la stabilisaziun da l'AVS, ha crititgà Maya Graf dals Verds. Per rentas bassas fetschia questa cumpensaziun ora fitg bler. Il Cussegl dals chantuns vul dar in sustegn da tranter 100 fin 240 francs il mais per cumpensar l'augment da la vegliadetgna da pensiun. Cun quai è el pli generus ch'il Cussegl naziunal. Be quatter da las nov annadas survegnan 100% da questa cumpensaziuns, tar las autras vegn questa summa adattada.

La fatschenta turna uss puspè en il Cussegl naziunal. Quel tracta il project lura probablamain en la sessiun d'enviern. Gia cler è ch'il suveran vegn ad avair l'ultim pled. Ils sindicats han gia annunzià da vulair pigliar il referendum.

RTR actualitad 12:00

Artitgels legids il pli savens

Scrollar a sanestra Scrollar a dretga