Siglir tar il cuntegn

Header

cuntegn

Svizra Aviun pitschen croda en Lai da Constanza

In aviun pitschen ch'era da viadi da Turitg en direcziun da Hamburg è curda mardi en il lai da Constanza e sfundrà datiers l'insla Mainau.

Sco in pledader da la polizia ha confermà, è l’aviun sfundrà radund 200 meters en il nordost da l’insla Mainau en ina profunditad da radund 60 meters.

forzas da salvament e polizia a la riva dala lai da constanza
Legenda: Davent da la riva vegn l'acziun da salvament coordinada. Keystone

Ils dus passagiers a bord vegnan anc tschertgads ma las forzas da salvament van da quai anora ch'els èn morts.

In pledader dals pumpiers ha confermà d'avair chattà parts d'ina bara e che probabel omadus passagiers sajan morts. Las autoritads d'accidents d'aviuns da la Germania vegn ad intercurir l'accident.

Gasettas tudestgas rapportan era ch'ina gruppa d'uffants ch'eran en in champ han observà la disgrazia.

RR novitads 14:00

Artitgels legids il pli savens