Siglir tar il cuntegn

Header

cuntegn

Svizra Avais gia midà l'ura?

La notg da sonda sin dumengia èsi puspè stà da midar l'ura sin il temp da stad. Ils dis vegnan pli lungs ed ins na sto betg far glisch uschè baud sco durant l'enviern.

En ils blers pajais da l'Europa han ins midà las uras la notg da las 2:00 sin las 3:00 uras. La notg sin dumengia avain nus pia pers in'ura da sien. Passa in quart da la populaziun senta sinaquai in uschenumnà mini-jetlag.

Enfin ils 30 d'october restan las uras lura sin temp da stad. Cura ch'ils dis vegnan puspè pli curts èsi lura da midar enavos l'ura sin temp d'enviern.

Il temp da stad è vegnì lantschà il 1973 en l'Europa pervi da la crisa dad ieli; quai cun il patratg da spargnar energia. Cun spustar il temp vulev'ins gudagnar in'ura glisch dal di. La Svizra ha introducì il temp da stad il 1981 per s'adattar als pajais vischins.

Artitgels legids il pli savens