Siglir tar il cuntegn

Svizra Autur Jürg Laederach è mort

L’autur e translatur svizzer Jürg Laederach è mort en la vegliadetgna da 72 onns a Basilea. El saja stà ditg malsaun, scriva la chasa editura Suhrkamp.

L’autur Jürg Laederach.
Legenda: L’autur Jürg Laederach l’avrigl 2012 en il Literaturhaus a Turitg. Keystone

Jürg Laederach lavurava sco magister ed autur da texts da reclama. Il 1974 ha el lura fatg l’entschatta cun sia emprim’ovra litterara «Einfall in der Dämmerung». Ina da sias pli enconuschentas ovras è il cudesch da raquints «69 Arten den Blues zu spielen» dal 1984.

Jürg Laederach aveva studegià matematica, romanistica, anglistica e musicologia. Plinavant saja el stà in fitg passiunà enconuschider e musicist da jazz, ha ditg ses lector tar Suhrkamp, Hans-Ulrich Müller-Schwefe.

RR novitads 12:00