Auts chastis per rowdys

La dretgira regiunala a Bienna ha sentenzia dus rowdys a chastis d’arrest. Els èn vegni sentenziads pervi da mazzament intenziunà. Avant 4 onns era in dals dus umens charrà cun passa 100 kilometers l’ura tras in vitg bernais e tschiffà ina famiglia sin il trottuar. Il bab da famiglia era mort.

Ina tavla vid la porta da la dretgira cun il temp d'avertura

Legenda da maletgs: La Dretgira regiunala ha dà enconuschent oz sia sentenzia. SRF

Ils dus giuvens da 22 onns ston uss i en praschun per 7 e 7 ½ onns, vitiers survegnan els in chasti pecuniars cundiziunads.

Ils 17 da december 2011 ha in dals umens accusads pers la controlla da ses auto cura ch'el charrava memia spert tras il vitg da Täuffelen. Per la dretgira èsi stà clar ch'ils dus umens hajan fatg ina cursa. La defensiun ponderescha da far recurs.

RR novitads 18:00