Siglir tar il cuntegn

Header

cuntegn

Svizra Autoritads americanas survegnan emprims documents el cas FIFA

L'uffizi federal da giustia ha surdà a las autoritads americanas emprims mussaments en la procedura penala cunter auts funcziunaris da la FIFA.

I sa tractia da documents davart contos da banca che hajan servì per daners da corrupziun, communitgescha l'uffizi federal da giustia. Concret sa tracta quai da 50 contos che sa chattan sin 10 differentas bancas. Vitiers ha l'uffizi federal serrà ad interim radund 80 milliuns dollars sin 13 differents contos, quai sin basa da la dumonda d'assistenza giudiziala dals Stadis Unids. Quests daners restan bloccads fin che la procedura è terminada.

RR novitads 15:00

Artitgels legids il pli savens