Siglir tar il cuntegn

Svizra Aut nivel da furmaziun en Svizra

Il rapport da furmaziun mussa che las sfidas èn cunzunt tar la digitalisaziun e la migraziun.

Studentas e students lavuran en ina biblioteca.
Legenda: Ina buna furmaziun è impurtanta per betg crudar en la dischoccupaziun dian ils auturs dal rapport da furmaziun. Keystone

Il sistem da furmaziun svizzer saja confruntà ils proxims onns cun grondas sfidas. En emprima lingia pervia da la digitalisaziun e la migraziun. A quella conclusiun vegn il terz rapport da furmaziun ch'il Cussegl federal ha preschentà mardi a Berna.

Gia il 2011 aveva la Confederaziun definì la finamira che 95 pertschient dals giuvens creschids da 25 onns che vivan en Svizra duain avair fatg in emprendissadi ni terminà il gimnasi ni ina scola media spezialisada.

Las novissimas cifras dal 2015 mussan ussa, ch'ils giuvens cun passaport svizzer han cun 94 pertschient prest cuntanschì quella finamira. Auter vesi ora tar giuvens migrants ch’èn naschids en Svizra. Là han 86 pertschient reussì, tar immigrants ch’èn naschids en l'exteriur 73 pertschient.

La Conferenza dals directurs d''educaziun dals chantuns da la Svizra vesan perquai basegn d'agir. I dovri mesira, quellas dentant betg per en scola mabain gia avant en famiglia.

RR novitads 12:00