- Umens e dunnas duain lavurar fin 65 onns.
- Il temp dal pensiunament vegn flexibel.
- La taglia sin la plivalur duai vegnir augmentada.
Augmentar la vegliadetgna da pensiun per las dunnas sin 65 onns ed auzar la taglia sin la plivalur per 1,5%. Tranter auter cun questas propostas vul il cusseglier federal Alain Berset refurmar l'AVS. Il president da la Confederaziun vul uschia segirar la finanziaziun da l'AVS fin il 2030.
Vitiers duai il pensiunament vegnir flexibel. Tranter 62 e 70 onns pudess ins uschia retrair l'entira renta d'AVS u almain ina part. Las propostas dal Cussegl federal van uss en consultaziun.
Emprimas reacziuns
Per la Partida socialdemocratica n'èn las mesiras dal Cussegl federal betg acceptablas. Las dunnas stuessan pajar la refurma bunamain be persulas, hai num en ina communicaziun da la PS.
Per la Partida cristiandemocratica van las propostas dal Cussegl federal en la dretga direcziun – malgrà intginas flaivlezzas. Vinavant dovria l'AVS dentant ina sanaziun da las structuras.
La Partida populara svizra percunter refusa d'augmentar la taglia sin la plivalur. Er la PLD e la PCD han resalvas. Ils daners per stabilisar l'AVS duain tenor la PPS vegnir or da la cassa federala.
La Partida liberaldemocratica vul integrar las mesiras ch'il «Project da taglia 17»prevesa. D'augmentar la vegliadetgna da renta è tenor la PLD in pass fair e raschunaivel.
RR novitads 12:00
