Siglir tar il cuntegn
cuntegn

Svizra Augmentar l'agid per ils fugitivs

La crisa da fugitivs dovra tenor il cusseglier federal Didier Burkhalter anc dapli collavuraziun internaziunala. Tar ina conferenza da la OSCE en la Jordania ha el appellà a dapli dialog ed agid per ils pajais che prendan si fugitivs.

Didier Burkhalter.
Legenda: Il glindesdi aveva il cusseglier federal visità in champ da fugitivs en la Jordania. Keystone

La segirezza en l'Europa saja colliada stretg cun la situaziun en la regiun da la Mar mediterrana, ha admonì Burkhalter. Quai na saja anc mai stà uschè visibel sco oz.

Agir communablamain

L’instabilitad e miseria creschenta en l’Africa dal nord ed il terrorissem internaziunal pretendian d’agir cumplessivamain. Uschia stoppia er la crisa da fugitivs vegnir prendida a mauns cumplessivamain, quai dal pajais d'origin sur ils stadis da transit fin tar il pajais che prenda si fugitivs. I saja da gidar als stadis vischins da la Siria per pudair garantir als fugitivs ina dimora segira.

RR novitads 15:00