Siglir tar il cuntegn

Header

preservativs
Legenda: Keystone
cuntegn

«Auf gehts» Nova campagna per sex segir

En Svizra vegn lantschada oz ina nova campagna per la prevenziun dad HIV ed autras malsognas transmissiblas sexualmain.

La campagna da l’Uffizi federal da sanadad, da l’Agid cunter Aids Svizra e da l’organisaziun «Sanadad sexuala Svizra» metta il preservativ en il center.
La motivaziun dals iniziants da la campagna: l’opiniun ch’il condom limiteschia l’experientscha sexuala è derasada.

Retschertga da la Confederaziun

La populaziun sappia ch’il preservativ protegia da malsognas transmissiblas sexualmain. Malgrà quai na dovria ella betg el consequentamain, scriva l’Uffizi federal da sanadad.

Bunamain la mesadad (47%) dals dumandads han inditgà ch'els hajan duvrà in preservativ durant sex occasiunal ils davos 12 mais. 15% dals dumandads hajan mintgatant duvrà nagin preservativ, 12% insumma nagin. In quart dals participants ha ditg «Jau na sai betg».

RR novitads 12:00