Siglir tar il cuntegn

Header

cuntegn

Aua schubra Stadis vulan reducir pesticids e medicaments en il Rain

ruinaulta cun il rain
Legenda: Ils stadis dal Rain vulan franar l'augment da pesticids e medicaments en il Rain. Keystone

Il Rain duai vegnir pli schuber. Restanzas da pesticids, medicaments ed autras substanzas chemicas en l’aua duain vegnir reducidas - ils proxims 20 onns per radund 30%. A quai sajan ils stadis cunfinants cun il Rain sa cunvegnids, ha ditg la ministra da l’ambient tudestga Svenja Schulze.

Evitar che las substanzas vegnan insumma en l'aua

I dettia adina dapli substanzas tschuffas ed indicaturs en l'aua che vegnian da l'agricultura e da medicaments, ha Schulze ditg a l'agentura da novitads tudestga DPA. Perquai vulan ils stadis reducir là il quantum che vegn insumma en l'aua – pia tar ils consuments. Per exempel era tals che bittian medicaments en la tualetta.

La Cumissiun internaziunala per la protecziun dal Rain lavura dapi 70 onns per la protecziun da l'aua. Ad ella fan part la Svizra, la Frantscha, il Luxemburg, la Germania, l'Ollanda e represchentants da la UE.

Ord l'archiv

Cun excepziun da la Val dal Rain è la qualitad da l'aua en il Grischun sin in nivel verd e nunalarmant.

RTR novitads 08:00

SDA / DPA / Ursin Cadisch

Artitgels legì il pli savens

Nach links scrollen Nach rechts scrollen