Siglir tar il cuntegn
cuntegn

Svizra Attenziun da mails cun speditur «polizia»

Diversas polizias chantunalas da la Svizra tudestga averteschan da mails cun il speditur «Polizia chantunala». Quels cuntegnian en l'annexa in virus. La polizia cusseglia da stizzar quest mails senza avrir els.

Dus mauns vi da ina tastatura d'in laptop.
Legenda: La polizia avertescha da e-mails fauss. Keystone

En plirs chantuns circuleschan mails che derasan virus e che pretendan d'esser da la polizia. La dretga polizia cusseglia da betg avrir ils mails e da stizzar quels.

Avertì da tals mails ch'han sco annexa in document da Word cun in virus han tranter auter las Polizias chantunalas dad Argovia, Basilea-champagna, Berna, Turitg e da la Svizra Centrala. Il text en ils mails saja scrit en in tudestg manglus ed fetschia attent sin ina persuna privlusa en il conturn. Las autoritads accentueschan en las communicaziuns che quests mails na sajan betg dad els.

RR novitads 06:00