Siglir tar il cuntegn

Header

cuntegn

Svizra Attentat da Berlin: Pistola era dapi 25 onns en Svizra

L'arma da l'attentader è vegnida importada a moda legala ils onns 1990 en Svizra.

  • Il sulet fastiz da l’arma maina en Svizra
  • Ella è vegnida importada ils onns 1990 a moda legala en Svizra
  • La Procura publica federala cuntinuescha la procedura penala cunter nunenconuschent

Fastizs da l'arma da l'attentat a Berlin mainan en Svizra. L'arma è vegnida importada avant radund 25 onns legalmain en la Svizra. Quai resulta da las examinaziuns che la polizia federala fedpol ha fatg.

Sco quai che l’Uffizi federal da polizia (fedpol) e la Procura publica federala communitgeschan, saja quai però il sulet fastiz en svizra.Tge via che l'arma ha prendì suenter na saja betg enconuschent. La fedpol haja dà questa infurmaziun al Bundeskriminalamt (BKA).

Ils 19 da december 2016 è in um charrà cun in camiun en persunas che visitavan gist ina fiera da Nadal a Berlin ed ha uschia mazzà 12 persunas. Radund 50 persunas èn vegnidas blessadas da l'attatga terroristica.

RR novitads 16:00

Artitgels legids il pli savens