Tests da segirezza standardisads na tanschian ozendi savens betg per chattar rusnas zuppadas en ils sistems d'informatica. Quai giuditgescha il Departament federal da finanzas. Perquai dovria en avegnir era «hackers controllads» per intercurir sistems ed applicaziuns da l'administraziun federala.
Durant in project da pilot hajan hackers chattà 10 largias da segirezza en ils sistems dad IT dal Departament federal per affars exteriurs ed ils Servetschs dal parlament. Ina da questas largias saja vegnida taxada sco critica. Quella saja da fertant eliminada. La Confederaziun vul schlargiar zic a zic quest program da hackers sin uschè blers sistems da l'administraziun federala sco pussibel, per uschia far pli segir quels.
audio
Per tadlar curt e cumpact
ord RTR Audio dals 03.08.2022.
laschar ir. Durada: 1 minuta 4 Secundas.