Siglir tar il cuntegn

Header

cuntegn

Svizra Attatga da Salez: Ulteriur'unfrenda è morta

L'attatga cun in cuntè e meds d'incendi da Salez (SG) ha chaschunà in ulteriur mortori. Ina dunna da 17 onns è morta en l'ospital en consequenza da las grevas blessuras. Uschia crescha il dumber d'unfrendas sin trais, l'attatgader inclus.

Ils 13 d’avust aveva in um attatgà sis passagiers cun in cuntè ed in liquid inflammabel en in tren datiers da Salez (SG). Ina dunna da 34 era morta, curt suenter er l’attatgader da 27 onns.

La Polizia chantunala da Son Gagl ha uss communitgà ch'era ina dunna da 17 onns saja morta pervi da sias grevas blessuras. Ella sa chattava dapi l'attatga en in stadi critic.

Nagin delict da relaziun

Il motiv per l’attatga è anc adina betg sclerì. La procura publica sclauda dentant in delict da relaziun. L’attatgader ha para tschernì las unfrendas per casualitad.

Perquai che l’attatgader era medemamain mort suenter l’attatga n’èsi tenor lescha atgnamain betg previs ina procedura. La procura publica cuntinuescha tuttina cun las investigaziun.

RR novitads 10:00

Artitgels legids il pli savens