Siglir tar il cuntegn

Header

Navigaziun

bajetg cun l'inscripziun «Zurich»
Legenda: Nivels stgirs sur la sedia a Turitg da l'assicuranza Zurich. Keystone
cuntegn

Svizra Assicuranza Zurich vul stritgar plazzas

L’ assicuranza Zurich planisescha da stritgar plazzas da lavur a la sedia principala a Turitg. In pledader ha declerà ch'i vegnia stritgà plazzas da lavur en ils secturs controlling e finanzas.

Quantas plazzas che vegnan propi stritgadas n’è anc betg enconuschent, ha ditg il pledader sin dumonda da l’agentura da novitads sda. L’emna passada aveva l’assicuranza infurmà ils collavuraturs. Il mument vegn fatg il process da consultaziun cun ils represchentants dals lavurants. Il portal d'online «Finews» ha rapportà che Zurich haja annunzià internamain, che radund 200 plazzas vegnian stritgadas.

Il concern vul sbassar ils custs. Fin ussa sajan realisadas bun in terz dals respargns planisads da 1,5 milliardas dollars, uschia hai gì num avant curt tar la preschentaziun da las cifras da l'emprim mez onn.

RR novitads 12:00