Siglir tar il cuntegn

Header

cuntegn

Svizra Assicuranza d’invaliditad – resultat positiv per il 2016

L’Assicuranza d’invaliditad ha pajà l’onn passà radund 252’000 rentas d’invaliditad e sustegnì var 200’000 persunas cun mesiras d’integraziun en il martgà da lavur.

L'onn passà ha l'Assicuranza d'invaliditad (AI) pajà prestaziuns a radund 430'000 persunas. Bunamain la mesadad da questas persunas ha survegnì ina renta d'invaliditad. En total ha l'AI pajà 5,4 milliardas francs per rentas d'invaliditad. Quai ha communitgà l'Uffizi federal d'assicuranzas socialas.

L'assicuranza d'invaliditad ha fatg in resultat positiv l'onn passà cun entradas totalas da 10 milliardas francs ed expensas da totalmain 9,2 milliardas. A 252’000 persunas ha l’AI pajà ina renta d’invaliditad. 221’000 da quellas persunas vivan en Svizra e 31’000 en l’exteriur. Per mesiras individualas che duain promover la reintegraziun da persunas en il martgà da lavur, ha la AI dà ora 1,8 milliardas francs. Var 200’000 assicurads han pudì profitar da talas mesiras.

RR novitads 11:00

Artitgels legids il pli savens