Siglir tar il cuntegn
Inhalt

Svizra Assicuranza cunter la dischoccupaziun serra cun in plus

L'assicuranza cunter la dischoccupaziun ha serrà il quint 2015 cun in surpli d'entradas da 0,61 milliardas francs. Sco quai ch'il secretariat da stadi per l'economia SECO communitgescha, ha l'assicuranza pajà ora en total 6,8 milliardas francs, quai èn 310 milliuns dapli ch'avant in onn.

Maun che tegna gasetta cun inserats da plazzas.
Legenda: L'assicuranza ha pajà ora 5,18 milliardas francs indemnisaziuns per la dischoccupziun. Keystone

Da quai èn 5,2 milliardas francs per indemnisaziuns per las persunas senza lavur. Entradas ha l'assicuranza cunter la dischoccupaziun registrà 7,4 milliardas francs, 180 milliuns dapli ch’il 2014.

Pervi dal surpli ha l’assicuranza cunter la dischoccupaziun pajà enavos in emprest da 700 milliuns francs a la Confederaziun. Per l’onn che vegn quinta il SECO cun ina quota da dischoccupaziun da 3,6%. Perquai dastgassan las expensas crescher sin 7,61 milliardas.

RR novitads 09:00