La polizia da la citad da Turitg ha confermà in rapport correspundent da la gasetta «Sonntags Blick». Blocher aveva communabel cun il cusseglier naziunal da la PS Corrado Paradini discutà ad ina discussiun da podium sur dal futur da la Svizra e l’Uniun europeica.
Suenter questa discussiun ha in um pli vegl alura vulì attatgar Blocher. L’um nunenconuschent da 81 onn ha pitgà cun in pugn sin Blocher. La polizia ha confermà che tar l'um è vegnì chattà in cuntè. Blessadas n’hai betg dà. Las persunas responsablas per la segirtad han immediat pudì circumdar l’um ed els han alura surdà el a la polizia da la citad da Turitg.
RR novitads 09:00