Il 1974 ha Honegger fatg attent la Svizra al destin dals uffants plazzads cun ses roman autobiografic «Die Fertigmacher».
El sez aveva passentà sia uffanza sco uffant plazzà en chasas d’uffants e chasas d’educaziun tras lavur. El è daventà famegl da purs e camarier, pli tard ès el daventà secretari da partida e redactur dal «Blick». La finala ha el gudagnà ses daners sco scriptur e columnist liber.
A partir dal 1991 è Honegger stà activ en il cussegl dal chantun Sogn Gagl per la fracziun da la PS.
Il 2015 ha Arthur Honegger survegnì il premi per dretgs umans da la fundaziun glarunaisa Anna Göldi. Ils ultims onns da sia vita ha el passentà en in chasa d'attempads a Nesslau.
RR novitads 14:00