Siglir tar il cuntegn
Inhalt

Svizra Arrestà suspectà suenter mazzament a Basilea

Suenter ina sajettada il mars cun dus morts ed in grevblessà en in cafè a Basilea han las autoritads uss arrestà ina persuna suspectada. Sco la procura publica da Basilea-citad communitgescha vegnia il mument investigà suenter in ulteriur um suspectà.

auto da polizia ed in auto da pumpiers èn parcads avant in lieu da delict
Legenda: La saira dals 9 da mars èn ils delinquents entrads en il cafè ed han sajettà pliras giadas. Keystone

La dretgira d'appelaziun ha decretà in arrest d'inquisiziun da trais mais per l'um. In segund suspectà è sin fugia e vegn tschertgà internaziunalmain. Anc betg sclerì è sch'i sa tracta dal delict d'in act da vendetga dal milieu da drogas. Las investigaziuns sajan diffizilas e voluminusas.

L’entschatta da mars èn ils delinquents entrads en il café 56 en la vischinanzas da la Musical Theater a Basilea ed han sajettà enturn. Dus umens en la vegliadetgna da 28 e 39 onns èn mort, in terz um da 24 onns è vegnì blessà grevamain. Sche quai sa tractia d’ina vendetga en il milieu da drogas n’è il mument anc betg sclerì dal tuttafatg, scriva la procura publica.

RR novitads 11:00