Siglir tar il cuntegn

Header

cuntegn

Svizra Arrestà probabel dschihadist a Genevra

In um franzos da 18 onns è vegnì arrestà ils 14 da matg a l'eroport da Genevra. Apparentamain vuleva el ir sur la Tirchia en la Siria per s'alliar cun la gruppaziun terroristica Stadi islamic SI.

En il rom da la procedura d'extradiziun ha la Procura publica interrogà el. In pledader da la giustia genevrina ha confermà in rapport da la «Tribune de Genève».

Gia la segunda emprova

Tenor la gasetta haja il Franzos gia empruvà ina giada da s’alliar cun ils terrorists. L’emprima giada era el vegnì arrestà a Minca. Da lezzas uras era el anc minoren.

RR novitads 15:00

Artitgels legids il pli savens