In commember da la Polizia chantunala da Basilea è suenter investigaziuns internas vegnì suspendì ed arrestà. Ad el vegn tranter auter rinfatschà d’avair surdà a la Tirchia datas sensiblas da persunas en Svizra che crititgeschan la regenza tirca. Quai ha communitgà la procura publica.
L’assistent da segirtad che lavura tar il servetsch da traffic haja clamà giu radund 3’000 datas dal sistem da la polizia. Perquai che la presumziun d’innocenza vala, n’ha la procura publica betg fatg dapli indicaziuns davart la naziunalitad dal policist arrestà.
Fatg public il cas aveva la «Basler Zeitung».
RR novitads 18:00