Arrestà deputada tessinaisa Lisa Bosia Mirra

I vegn supponì che la deputada da la Partida socialdemocratica haja gidà illegalmain sur il cunfin 4 migrants.

La deputada da la PS dal Tessin, Lisa Bosia Mirra.

Legenda da maletgs: La deputada da la PS dal Tessin, Lisa Bosia Mirra. Keystone

Bosia Mirra è fundatura da l'organisaziun d'agid da fugitivs «Firdaus». Ier ha ella crititgà publicamain, co i vegnia ì enturn cun fugitivs minorens nun-accumpagnads al cunfin sid da la Svizra.
Sco quai che la polizia chantunala dal Tessin communitgescha saja ultra da quai vegnì arrestà in um dal chantun Berna che duai avair charrà ils quatter Africans minorens en in auto da furniziun en Svizra. Ad omadus vegn rinfatschà d'avair promovì in passagi dal cunfin illegal.

RR novitads 16:00