Siglir tar il cuntegn
cuntegn

Svizra Arrest d’inquisiziun per l’attatgader da Schaffusa

L’attatgader da Schaffusa sto ir en arrest d’inquisiziun e la procedura penala cunter el è vegnida instradada.

In auto da polizia en la citad veglia da Schaffusa.
Legenda: L'attatgader da Schaffusa vegn en arrest d'inquisiziun. Keystone

L’um da 51 onns che ha attatgà il glindesdi a Schaffusa pliras persunas cun ina resgia a motor sto ir en arrest d’inquisiziun. La procura publica dal chantun Schaffusa ha fatg ina dumonda correspundenta al tribunal da las mesiras repressivas. Ultra da quai saja la procedura penala cunter l’um vegnida instradada. Quai ha communitgà la polizia da Schaffusa.

Davart il motiv da l’um na datti anc naginas indicaziuns uffizialas. L’um aveva blessà l’entschatta da l’emna pliras persunas en ina filiala d’ina cassa da malsauns cun ina resgia a motor.

RR novitads 17:00