Siglir tar il cuntegn
Inhalt

Svizra Armada svizra cumpra dronas ord l'Israel

Suenter il Cussegl naziunal è er il Cussegl dals chantuns persuenter da cumprar dronas or da l'Israel. El ha ditg «gea» al program d'armament per quest onn cun 30 cunter 12 vuschs (3abstinenzas).

Ina drona dal tip Hermes HFE 900.
Legenda: Inclus en il pretsch da cumpra èn cumponentas da terra, il simulatur e la logistica. Keystone

Quest program prevesa cumpras da totalmain 542 milliuns francs. Il minister da defensiun Ueli Maurer ha argumentà ch'ina cumpra en l'Israel na cuntradia betg al dretg internaziunal, malgrà che l'Israel saja en in conflict armà. Plinavant sa tractia da dronas d'exploraziun e betg da cumbat. I na saja betg planisà dad armar questas dronas.

Il pretsch da cumpra per las 6 dronas dal tip Hermes 900 HFE munta a 250 milliuns francs.

RR novitads 20:00