Armada probabel er ils proxims 3 onns al WEF

L'armada svizra duai era procurar ils proxims trais onns per la segirtad dal Forum mundial d'economia "WEF" a Tavau: Il cussegl chantunal ha approvà unanimamain in sboz dal cussegl federal.

dus schuldads al WEF a Tavau.

Legenda da maletgs: Sch'i va tenor il cussegl dals chantuns vegn l'armada Svizra er ad esser preschenta ils proxims 3 onns al WEF a Tavau. RTR, F. Belotti

Il sboz prevesa che fin 5000 schuldads sustegnian las autoritads grischunas durant il WEF, quai cunzunt cun proteger persunas, bajetgs ed il spazi aviatic.

L'engaschament è limità sin totalmain indesch dis. Ils custs previs muntan a mintgamai 28 milliuns francs per onn. Quai è circa tuttina bler sco ils ultims onns.

Uss sto anc il cussegl naziunal decider en chaussa.

RR novitads 20.00