Siglir tar il cuntegn

Header

cuntegn

Svizra Armada ha mustgas da cumprar dronas per l’infantaria

L'armada svizra ponderescha da cumprar dronas pitschnas per l'infantaria. Quellas pussibilitassan d'observar ord l'aria intschess damanaivel.

L'armada ha confermà in tal rapport da la gasetta Blick. Actualmain elavurian els in'emprima incumbensa per in project. Previs sajan era tests cun differents models prendids a fit.

Ina eventuala cumpra succediss en 4 fin 5 onns, e custass 8 milliuns francs. Fin uss na dettia dentant nagina decisiun d’insumma cumprar talas dronas.

Dronas pitschnas pon vesair ora sco helicopters u sco pitschens eroplans. Blers models po in schuldà laschar ir or da ses maun en l’aria.

RR Novitads 18:00

Artitgels legids il pli savens