Siglir tar il cuntegn

Header

In um che telefonescha cun ses telefonin.
Legenda: Quai inditgeschan las datas da telefon: Tgi ha telefonà cura cun tgi e per quant ditg? Keystone
cuntegn

Svizra Arcunaziun da datas da telefon resta dispitaivla

Purschidras da servetschs da telecommunicaziun na duain betg vegnir obligads d'arcunar las datas da telefon en la Svizra. Il Cussegl dals chantuns ha decis cun 25 cunter 17 vuschs da restar tar sia decisiun da pli baud.

La lescha per survegliar il traffic da telecommunicaziun e da posta va uschia per la terza giada enavos en il Cussegl naziunal. La Chombra gronda insista che las datas da telefon ston vegnir arcunadas explicitamain en la Svizra, i sa tractia da datas sensiblas. Quitads fetschia il fatg, che questas datas pudessan potenzialmain vegnir arcunadas insanua sin il mund e betg en Svizra.

Vinavant arcunar datas per sis mais

Il Cussegl dals chantuns percunter è suandà a l’avis da la ministra da giustia Simonetta Sommaruga. Ella ha fatg attent ch’i na saja betg pussaivel da controllar, schebain las datas vegnian arcunadas en Svizra. Las datas da telefon inditgeschan, tgi che ha telefonà cura cun tgi e quant ditg.

Ina decisiun dals cussegls datti però gia: Las datas da telefon duajan er vinavant vegnir arcunadas per sis mais. Oriundamain vuleva il Cussegl federal auzar questa limita sin 12 mais. Per betg periclitar la proposta, aveva el dentant desistì da questa pretaisa.

RR novitads 12:00