Approvà la cumpra dispitaivla da murters

Il Cussegl dals chantuns ha approvà il program d’armaziun 2016. L’armada planisescha da cumprar armas, vehichels e material per 1,34 milliardas francs. Dispitaivel era sulet la cumpra da 32 novs murters da 12 cm che custan 404 milliuns francs.

vista sin in murter

Legenda da maletgs: In murter da 12 cm d'in char armà da grenadiers dal tip Piranha. Keystone

Ils 32 murters duain serrar la largia ch'i ha dà il 2009 cura che l'armada ha prendì ord funcziun ils bittaminas. La sanestra ha surtut crititgà che talas armas na portian nagut en l’actuala situaziun da periclitaziun.

Lunga glista da cumissiuns

Las ulteriuras cumpras n'èn betg fruntadas sin opposiziun. Per camiuns e chars annex vegn tranter auter dà ora 314 milliuns francs, per armas polivalentas 256 milliuns francs u 91 milliuns francs per cumponentas da radar per il sistem da survegliar il spazi aviatic Florako.

Er approvà è vegni il program d’immobiglias dal VBS sur circa 600 milliuns francs. Planisà è tranter auter la construcziun d’in nov center d’informatica a Frauenfeld.

RR novitads 11:30