Per sensibilisar giuvens atlets sco era las persunas d'assistenza per la problematica, han els vinavant organisà l'onn passà var 130 referats e cuors. Bun 3'300 persunas s'èn sa participadas a quels.
In success saja er la banca da datas «Global DRO». En quella sa mintgin mirar sch'in medicament è sin la glista da doping u betg.
Sustegn per «whistleblowers»
Far dapli vul Antidoping Svizra per quellas persunas che fan enconuschent cas da doping. Senza quels whistleblowers na fissi per exempel betg stà pussibel da scuvrir ils cas da doping da sang durant il campiunadi mundial da cuorsa liunga a Seefeld quest fevrer, di Antidoping Svizra. Ella vul perquei migliurar l'anonimitad e la protecziun da quellas persunas. Per exempel cun ina regla per perdetgas principalas.
RR novitads 17:00