Il directur da polizia e militar dal chantun Berna Hans-Jürg Käser ha confermà en l’emissiun che Ousaman Sonko sa chattia dapi il november sco requirent d’asil en il chantun Berna. Sur da l’actual proceder d’asil n’ha el betg vulì far indicaziun. Il secretariat da stadi per migraziun elavurescha il mument ina communicaziun, scriva SRF sin sia pagina d’internet.
Sonka vala sco figura centrala
En il reschim dal autocrat Yahya Jammeh era Sonka in grond aderent dals excess cunter la populaziun, ha ditg Alhasana Joharteh da la partida democratica envers la Rundschau. Persequitads èn vegnids politichers da l’opposiziun, schurnalists ed omosexuals.
RR novitads 14:00