Siglir tar il cuntegn
cuntegn

Svizra Anteriur banchier da l’UBS Birkenfeld puspè liber

Suenter 30 mais praschun è l'anteriur collavuratur da la banca UBS Bradley Birkenfeld puspè liber. Ses temp d'emprova è scadì oz.

Birkenfeld ha inizià la dispita da taglia tranter l'America e la Svizra.
Legenda: Bradley Birkenfeld ha inizià la dispita da taglia tranter l'America e la Svizra. Keystone

Birkenfeld è l'anteriur collavuratur da la UBS ch'ha dà infurmaziuns a la procura publica dals Stadis Unids da l’America co la banca svizra UBS gidia ils clients americans da zuppar lur daners dal fisc. Birkenfeld ha inizià uschia la dispita da taglia tranter l'America e la Svizra.

Birkenfeld emigrar en l'Europa

Cunquai che Birkenfeld sez aveva l'emprim anc empruvà da transferir ses daners en il Liechtenstein, era el sez era vegnì sentenzià. Tenor ses advocat planisescha Birkenfeld dad emigrar en l'Europa.

RR novitads 12:00