Siglir tar il cuntegn

Header

cuntegn

Svizra Anniversari da Trump sco president – in motiv per demonstrar

Donald Trump ha festivà ses anniversari dad in onn en uffizi. Per plirs 100'000 persunas n'è quai betg stà in motiv per celebrar – mabain per demonstrar. Sulettamain en Los Angeles ha la sonda pli che in mez milliun protestà.

Ils americans han la sonda protestà cunter Donald Trump a chaschun da ses emprim anniversari sco president. En pli che 300 citad èn demonstrants sa participads als «Women's Marchs» – ils marschs da las dunnas. A New York ha la polizia annunzià 200'000 demonstrants. A Los Angeles èn perfin in mez milliun persunas sa participadas als protests.

Blers demonstrants han purtà in ornament da testa en la colur rosa – uschia numnads «Pussy hats» che duain far allusiun al messadi da Trump ch'el possia tschiffar a las dunnas tranter las chommas cura ch'el veglia.

Trump reagescha cun sarcassem

Trump ha reagì cun sarcassem sin ils protests: Sin Twitter ha el appellà a la glieud dad ir sin via per celebrar il nov success economic ed ils craps da miglia istorics ch'ins haja cuntansch?i en ils davos 12 mais.

Bun'aura en noss grondius pajais, in di perfetg per tut las dunnas per marschar.
Autur: Donald Trump President american

RR novitads 09:00

Artitgels legids il pli savens