Andreas Caminada envida en l'Igniv

Suenter ses gronds success cun l’ustaria en il chastè da Schauenstein a Farschno, avra Andreas Caminada quest’emna sia segunda ustaria. Il num è Igniv e l’ustaria è en il Grand Resort a Bogn Ragaz. Il cuschinunz renumà vegn a mirar sperasvi mintgadi en l’ustaria.

Laschar ir video «Andreas Caminada avra nova ustaria - l'Igniv»

Andreas Caminada avra nova ustaria - l'Igniv

3:24 min, Telesguard dals 14.12.2015

Schef da cuschina n’è dentant betg el, mabain il giuven da 26 onns Silvio Germann. El maina la cuschina cun 4 cuschiniers, en il service è in sommélier e 4 servients en acziun.

Il concept è pulit different a quel da l’ustaria existenta. En l’ustaria Igniv vegnan tut las spaisas servidas sin plattas ni en stgadellas sin maisa. Mintgin po lura sa servir sez ed uschia empruvar bleras differentas spaisas. Quai è in concept uni per in’ustaria da gourmet.