Andrea Gmür ha surpiglià l’entschatta 2020 il presidi da la fracziun, damai ch’il antecessur Filippo Lombardi aveva manchentà la reelecziun tar las elecziuns federalas dal 2019. Tar la fracziun da l’Allianza dal Center a Berna tutgan dasper ils represchentants cristiandemocrats, er anc ils cussegliers e las cusseglieras da la Partida burgais-democratica e da la Partida evangelica.
En la communicaziun engrazia il president da l’Allianza dal Center Gerhard Pfister ad Andrea Gmür per sia lavur. Quella saja stada difficila surtut a l'entschatta da la crisa da corona.