Siglir tar il cuntegn
Inhalt

Svizra Andermatt Swiss Alps SA ha investì 90 milliuns francs

Il 2016 ha l’interpresa nudà ina perdita da passa 36 milliuns francs. En vista a las investiziuns fatgas da 90 milliuns francs saja quai stà da spetgar, scriva l’Andermatt Swiss Alps SA. Tuttina po l’interpresa guardar sin in onn da fatschenta da success.

vista tranter duas chasas novas
Legenda: 60% da las abitaziuns èn vendidas. Keystone

En tut ha l’Andermatt Swiss Alps investì fin uss 725 milliuns francs. L'onn passà ha l'interpresa cuntanschì in cash flow operativ da 4,2 milliuns francs. Dapi l'entschatta dal project fin la fin dal 2016 èn vegnids investids en total 725 milliuns francs.
Fin oz ha l'interpresa pudì vender passa 60 % da las abitaziuns.

Dapli svieuta per l’hotel Chedi

L’hotel da tschintg stailas è stà avert l’entir onn 2016. La svieuta è creschida per 23 % sin 19 milliuns francs. 58 % dals giasts derivan da la Svizra, 8 % da la gronda Bretagna e 6 % da la Germania. E sco il manader dal Chedi Jean-Yves Blatt ha ditg a la conferenza da medias, ha l’hotel gia fin uss en il 2017 dapli giasts ed ina meglra svieuta che l’onn passa.

RR novitads 09:00