Siglir tar il cuntegn

Header

Navigaziun

L'hotel Chedi ad Andermatt.
Legenda: La Andermatt Swiss Alps investescha vinavant. Keystone
cuntegn

Svizra Andermatt Swiss Alps cuntinuescha cun investiziuns

Il 2017 ha la societad investì surtut en la colliaziun dals territoris da skis Sedrun-Andermatt.

La Andermatt Swiss Alps SA scriva cifras cotschnas. Il rendaquint da l'onn passà serra cun in deficit da prest 30 milliuns francs. La svieuta saja sa reducida per bun 8 milliuns sin 72 milliuns francs, communitgescha la societad anonima.

L'onn passà ha la Andermatt Swiss Alps fatg investiziuns da 172 milliuns francs – quai tranter auter er per colliar ils dus territoris da skis d'Andermatt e Sedrun.
Fin la fin dal 2017 han sur dus terzs da las abitaziuns gia finidas, pudì vegnir vendidas. L'hotel The Chedi che tutga medemamain a la societad anonima ha pudì nudar 15% dapli giasts ch'anc l'onn avant.

Investiziuns totalas da 1.8 milliardas francs

Il resort da vacanzas Andermatt-Reuss cumpiglia a la fin 6 hotels (ca. 850 chombras), ca. 500 appartaments (en 42 bajetgs), ca. 25 villas, quasi 2000 parcadis, in bogn cuvert ed ina plazza da golf. Il territori da skis da Andermatt - Sedrun vegn modernisà, engrondì e collià. En ina emprima etappa vegn investì en quel 130 milliuns francs.

RR novitads 08:00