Svizra - Anc mai parcà uschè blers daners tar la Banca naziunala
Las bancas svizras han deponi uschè blers daners tar la banca naziunala sco anc mai. Ils contos da giro èn creschids sin uss circa 385 milliardas francs.
En cumparegliaziun cun l’emna passada è quai in augment dad bunamain 2 milliardas francs, quai mussa la statistica da la banca naziunala. Impurtant èn qua ils deposits da vista quels mussan sche la banca naziunala intervegn en il martgà da devisas per reducir la valita dal franc svizzer en cumparegliaziun cun l’euro.
