Siglir tar il cuntegn

Header

Navigaziun

cuntegn

Svizra Anc adina mancan plazs en las praschuns svizras

En Svizra ha la mancanza da plazs tar las praschuns pudì vegnir mitigada in zic l'ultim onn. Tuttina datti anc adina memia paucs plazs per delinquents cun disturbis psichics. Quai resulta d'in rapport fatg per incumbensa da la Conferenza dals directurs chantunals da giustia e polizia.

vista sin la praschun da Genevra
Legenda: La praschun da Genevra, Champ-Dollon, è suroccupada. Keystone

En cumparegliaziun cun il 2013 sa preschentia la situaziun d'occupaziun main dramatica. La raschun è che plirs chantuns han realisà projects per stgaffir dapli plaz.
En media èn ils 7589 plazs stads occupads l'onn passà en media per 101%. Las differenzas èn dentant marcantas. En la Svizra orientala eran las praschuns occupadas per 82%, a Champ-Dollon a Genevra era la praschun suroccupada cun 174%.

Glista da spetga

Sin las glistas da spetga per in'execuziun dal chasti averta èn 70 persunas e sin la glista per in'execuziun dal chasti serrad 599 persunas, per gronda part umens. Problematica saja la situaziun la mancanza per delinquents cun in disturbi psichic. Il 2015 eran pertutgadas da quai 53 persunas, 17 da questas persunas han spetgà sin in plaz en ina partiziun d'ina clinica psichiatrica. Uschia statti en il rapport.

RR novitads 15:00